உயிர்ப்புகளின் உயிரைத்தேடி

நீண்ட நாட்களாக முகநூல் பக்கம் வரவில்லை வரவும் விருப்பமில்லை எதை எழுவதென்றும் புரியவில்லை… எதன் மீதும் ஆசையில்லை எவற்றின் மீதும் வெறுப்பும் இல்லை யார் மீதும் பாசம் இல்லை எவர் மீதும் கோபமும் இல்லை உலகம் இப்படித்தானா? அனைவரினதும் முகங்களும் கேள்வியின் சின்னமாக… சுருங்கிப்போன பொழுதுகளில் என் இரவுகள் மட்டும் தான் நீண்டு செல்கிறதா? அந்தகாரப் பொழுதுகளில் ஊமையின் கதறல்கலாகிப்போன அங்கலாய்ப்புகளும் நெருடல்களாகி எவர் செவிகளையும் எட்டவில்லையா? எதையோ தேடுகிறேன் எது? தொலைத்தால் தானே தேடுவதற்கு அது … Read moreஉயிர்ப்புகளின் உயிரைத்தேடி

பூக்க மறந்த பூ

நாளாவித ஆசையெல்லாம் நாளுக்கு நாள் பெருகி நாணிய பருவமும் நீங்கி நரைமுடிகளும் நையாண்டி பண்ண நகர்ந்திடும் நாட்களை எண்ணியபடியே விரல்களும் தேய்ந்திடும் காலத்தின் சுழற்சியிலே கட்டவிழ்க்கப் படாத கடுமைச் சமுதாயத்தின் கட்டுக்கோப்புகளால் கன்னி இவளின் காயாத காயங்களை தனிமையும் உரசிப் பார்க்கிறது பிணந்தின்னும் சாத்திரத்தை மண்ணுலகில் வகுத்ததாரோ? சீதனச் சந்தையிலே சீர்கெட்ட சங்கதியும் நாட்டில் நிறை தொற்றுநோயாய் நாளாந்தம் பரவுகையில் நச்சரிப்புகளும் உச்சமாகிறது பேரம் பேசும் கோழைகளே போதனைகள் பண்ணலாமோ? சத்தியம் உரைத்திடாமல் நித்திய நிம்மதியும் நிலைத்திடவே … Read moreபூக்க மறந்த பூ

என் தளம்

அமைதியின் ஆட்சியில் உலாவிடும் உயிர்களும் கீச்சலிடும் கிளிகளும் மூச்சுவிடும் மரங்களும் பாட்டிசைக்கும் குயில்களும் தாவிடும் அணில்களும் வண்ணமிடும் வண்ணத்திகளும் எண்ணம் போல் வாழும் அத்தனையும் கொண்டதுவே என் தளம் தலைநிமிர் வர்த்தகமாய் உப்பளமும் மீன்பிடியும் தென்னையும் நெற்பயிரும் வரலாறும் விதந்துரைக்கும் நீண்ட கல்வெட்டும் கொண்டதுதான் அந்நியச் செலாவணியை அதிகரிக்கும் அட்டைகளும் சிப்பிகளும் இறால் வளர்ப்பும் மரக்கறிக்கு மண்வளமும் மரமுந்திரிச் செய்கையிலும் செல்வாக்குப் பெற்றதுதான் கவின் வனத்தைக் கள்ளத் தனமாய் கவர்ந்திட்டுக் கழிவுகளை கொட்டிவிடக் கணக்கிடும் கயவர்களே! கடுஞ்சத்தமிடக் … Read moreஎன் தளம்

கால எச்சரிக்கை

எதிர்காலம் என்னவென்று எண்ணுவதற்கு எத்தனிக்கையில் எண்ணத்தில் எத்தனையோ எதிர்ப்புகள் எழுகிறது விஸ்தரிப்பெனும் பெயரில் வெட்டப்பட்ட மரங்களால் பாதைகளும் பாலைவனமாகி கட்டட விருட்சங்கள் வியாபித்து நிலைத்திட விளைநிலங்களும் வீணாகிவிடும் பொல்லாத ஓசோனால் வருங்கால நுரையீரல் நிரம்பி வழிந்திட உணவையே வில்லைகளாக்கி விழுங்கிடவேண்டி வரும் வண்டல் குவியும் வளமுறு நெய்தலும் வஞ்சகன் சூழ்ச்சியால் வாரி அழிக்கப்படும் கள்ளத்தனங்கள் மெல்ல வந்துசேர பூத்துக் கிடந்த முகங்களும் காய்ந்து போகும் குண்டு மழையும் கொடூரமாய்ப் பொழிய விலையில்லா வாழ்வும் நிர்க்கதியுற்று வாடும் நிலாக்கவி … Read moreகால எச்சரிக்கை

நாவின் அறுவடை

நேசங்களை நீடிப்பதற்காய் நீளப்பொய் உரைப்பதும் வன்முறை வார்த்தைகளால் வசைகளைப் பொழிந்து நஞ்சான சொற்களால் நெஞ்சைக் கிழித்து சுற்றத்தாரை சுட்டெரிப்பதும் சிறு குறைகளையும் சீற்றமே இன்றி சிந்தையில் உரைக்க சீராய் உணர்த்தி அகந்தையில் ஆடாமல் அன்பைப் பரிசளிப்பதும் நாவின் அறுவடையே!!! நிலாக்கவி நதீரா முபீன், புத்தளம், யாழ்ப்பாணப் பல்கலைக்கழகம்

ஆருயிர் தங்கை

இரத்தம் சூழ்ந்த கருவறையில் என் பின்னே தங்கி தங்கையாய் தரணியில் வரம் பெற்று வந்த தேவதை புலர்ந்திடும் விடியல்களில் மலர்ந்த முகத்தோடு வாழ்வின் வண்ணம் கூட்டும் என் வீட்டின் பொக்கிஷம் சிறுவயது முதலே – என் பெருமைகளைப் பேசி பொறுமை காக்கும் என்னருமைச் சொந்தம் தோழியாகப் பழகி கேலிகள் பல செய்து இன்பத்தில் திளைத்து துன்பத்தில் துவண்டாலும் நான் தேடும் பந்தம் கனிவோடு இணைந்த பணிவும் – மனத் துணிவோடு இணைந்த குணமுமே இவளின் அன்பான ஆயுதங்கள் … Read moreஆருயிர் தங்கை

சின்ன மகளின் செல்லக் கனவு

மூடுண்ட அறையில் இருந்து பிறக்கும் கதைகளாகிப் போனது சின்ன மகளின் செல்(லா)க்கனவு அவசரத்தின் அசுரத்தனத்தில் அரைநொடியும் இன்றி அப்பாவுக்கும் அம்மாவுக்கும் ஆயிரத்தெட்டு வேலை விலைமதிப்பற்ற செல்வத்தை வெளிச்சத்தில் தொலைத்துவிட்டு இருட்டில் தேடிக்கொண்டிருப்பதில் பயனுண்டோ? விசித்திரமான வாழ்வின் வடிவங்களை வண்ணமாக்கி அர்த்தப்படுத்தும் உறவுகளை நிராகரித்தால் நிஜங்களும் நிர்மூலமாகாதோ? நேரசூசிப்படியே வேசமான ஆசை முத்தங்களும் ஆயாவிடமிருந்து அன்றாடம் அன்பளிக்கப்படுகிறது சின்னமகளின் சித்திர கொப்பிகளில் சின்னக்கனவுகள் மாத்திரமே வண்ணக் குமிழ்களாய் கண்சிமிட்டுகின்றன தூரிகை படாத ஓவியமாக சிதறும் எனத் தெரிந்ததும் கனவுகள் … Read moreசின்ன மகளின் செல்லக் கனவு

இருளின் எச்சங்கள்

மருச்சியுற்ற இரவுகளில் வெருட்சியுற்ற விழிகள் நெஞ்சதிரும் வெடிப்பொலியில் துஞ்சிமடிந்த உயிர்கள் குண்டுகளால் முண்டங்கள் சரிய நொடிக்குள்ளே நூற்றுக்கணக்கான உடல்களும் குதறப்பட்டு கடுகளவாய் சிதறிக்கிடக்க வதையிலும் வலியிலும் சிதைந்த சதைகள் வெந்து அவிந்து பொசுங்கியே போனது தீப்பசிக்கு உணவான உடலின் அவயங்களும் நாறும் பிணங்களை வாரும் முள்ளிடுக்கிகளும் பாலினைச் சுரக்காத பிணத்தின் முலைகளை மலப்பீழை கண்ணில் வழிய பற்றியழும் பிஞ்சிகளும் நினைவுகளின் ஆக்கிரமிப்பில் துன்பங்கள் துருப்பிடித்தாலும் ஆன்மாக்களின் சாந்தி வேண்டி அனைவருமாய் பிரார்த்திப்போம். நிலாக்கவி நதீரா, புளிச்சாக்குளம், யாழ்ப்பாணப் … Read moreஇருளின் எச்சங்கள்

அசைபோடுதல்

வரம்பு கட்டி விதை விதைச்சி மாடு கொண்டு சூடடிச்சி அறுவடைக்காகக் காத்து நின்னு அள்ளி விதைச்ச அழகு நெல்லு சுளகு கொண்டு புடைச்செடுத்து சுற்றமெல்லாம் சேர்ந்திருந்து ஆக்கித்தின்ற காலமெல்லாம் காலமுள்ளில் காணாமலே போயிடுச்சி வைரமணி ஓசையில் வண்டி நெறுநெறுங்க குடும்பமெல்லாம் ஒன்றுசேர்ந்து கூட்டாஞ்சோறு கூடித்தின்ன குளத்தோர குச்சிவீட்டுக்கு குதூகலமாய் சென்று வந்தோம் அன்புக்கும் பஞ்சமில்லை ஆக்கினைகள் அதிகமில்லை ஆடவர்கள் பெண்டிரென ஆயிரம் பேர் கூடிநின்னு ஆறு ஊருத் திருவிழாவை ஆடிப்பாடி கொண்டாடினோம் முற்றத்துப் பெருவெளியில முழுநிலவின் பேரொளியில … Read moreஅசைபோடுதல்

அன்புள்ள வாப்பா

முத்தாக மூணு மகள் பெத்தீங்க வாப்பா முத்துக்களுக்கு சொத்து சேர்க்க கத்துக்கடல் தாண்டி தொலைதேசம் போனீங்களே வாழ்வின் விடியலை நோக்கி வாழும் வழிமுறை காண நாளும் உழைத்திட்ட நீங்க நல்வாழ்வை நமக்களித்தீங்க பாடுபட்டும் பலன்கள் உமக்கின்றி வலிகளையே வரமாய்ப்பெற்று சிதையாமல் அதை சிரிப்பாகவே தந்தீங்க கடும்பனியே பொழிந்திட்டாலும் வெந்தழலாய் வெயிலடிச்சாலும் சலியாது உழைச்சீங்க – பிள்ளைகளின் கலியாணக் கனவுக்காகத்தானே பஞ்சுமெத்தையில நாங்க புரள பட்டுச்சட்டை உடுத்தி மகிழ பட்டினியா பல நாட்கள் பரிதவித்தீர்களே வாப்பா நேரதிலே பார்த்திருந்தால் … Read moreஅன்புள்ள வாப்பா

அம்மாவிற்கு

நொந்தென்னைப் பிரசவித்த தொப்புள்கொடி பந்தமே- உன் களங்கமற்ற கருவறைக்குள் கருவாயிருந்ததை எண்ணி கர்வமுற்று காரிகையாகி கவியுனக்காய் வடிக்கிறேன் கருத்தரித்த நாள்முதலாய் உருப்பெற்று நான்வளர இரவு பகல் போசித்து கருமத்தில் கண்ணாக கண்துஞ்சாது காத்திருந்து விழிகளை மூடி வலிகளைத் தாங்கி இப்பூமிக்கு என்னைத் தந்தாய் அம்மா உதிரத்தை பாலாக்கி பசியாறச் செய்து பாசத்தோடு பேணி வளர்த்து அன்பிற்கே வரைவிலக்கணமானாய் புண்ணொன்று எனக்கு வர புலம்பிக் கண்ணீர் வடிப்பாய் நொடி நேரம் நான் பிரிந்தால் துடிதுடித்துப் போவாயே! நீ நடப்பதற்காகக் … Read moreஅம்மாவிற்கு

பெற்றோருக்காய்

உறவுகளின் கருவறையில் பெற்றவர்கள் பெற்றுவிட்டார் கற்றவராய்க் காண்பதற்கே கனவுகளோடு காத்திருக்கிறார் வெள்ளத்திலே அள்ளுண்டு போகும் சருகாக அழிந்திடாமல் உள்ளத்திலே உயர்வான இலட்சியம் கொண்டு வாழ்ந்துவிடு முன்னுரிமைச் சமூகத்தின் முதுகெழும்பாய் நின்று தூரநோக்கோடு துணிந்திடு துன்பங்களைக் களைந்திடு ஈன்றோருக்காய் நீயும் சான்றோன் ஆகிடவே பொங்கி எழுந்து மங்காப் புகழினைத் தேடு வித்தகராய் மாறும் முன்னே வீண்வம்பு புரிந்திடாமல் புத்தியாகக் கற்ற கல்வி புரிய வேண்டும் சாதனைகள் பணத்துக்கான பசியல்ல கல்வி யுகத்திற்கான மாற்றமென உணர்ந்து மாட்சியோடு ஆட்சி செய்தே … Read moreபெற்றோருக்காய்

கருகிப் போகும் விவசாயம்

காலச் சக்கரத்தின் கோரைப் பற்களில் சிக்கிய படியே மக்கிப் போகிறது மக்களின் விவசாயம் ஆலைப் பூதகிகள் பாலைப் பூச்சுவதால் அழுக்களின் இருப்பிடமாய் ஆகிப் போனது ஆறுகள் பூமித்தாயின் வயிற்றினிலே தொற்றிக் கொண்ட புற்றுநோயாம் கட்டிடக் கட்டிகளும் கணக்கின்றி பெருகிடுதே தரிசுநிலங்களைத் தாய்மையாக்க தவறுகின்ற சட்டங்களால் வியாபாரங்கள் வியாபிக்க விவசாயமும் முடங்கிடுமே நாற்றினது வாசனையும் நாற்றமாகத் தெரிந்திடும் நகர்ப்புற மனிதனுக்கு சோற்றுக்கு வழியின்றி சோர்ந்திடும்போதே அறிவான் நாகரிக மனிதனோ கிராமத்தை வெறுக்கிறான் நகரம் தேடி விரைகிறான் நரகம் நாடியே … Read moreகருகிப் போகும் விவசாயம்

அந்திமகள்

கதிரவன் பிரிவிற்காய் காலை மலர் கண்ணீர் சிந்தும் வேளை சோலை மலர்க் குழுக்களாய் குமரிப் பெண்கள் குடமெடுத்துச் செல்லும் மாலை பாடுகின்ற பறவைக்கூட்டம் கூடுநோக்கி விரைந்திடும் மகிழ்வான வேளை பாராட்டும் பாவலரும் பாவொன்றைப் பாடிவிடும் மதிமயங்கும் மாலை பொன்னைப் போர்த்திய அந்தி மகளும் அடிவானக் கட்டிலுக்கு அமைதியாகச் சென்றாள். நிலாக்கவி நதீரா முபீன், புத்தளம். யாழ்ப்பாணப் பல்கலைக்கழகம்.  

ஆறாக் காயங்கள்.

அன்றொருநாள் அரவமற்ற நள்ளிரவில் நிறைகடலின் ஆர்ப்பரிப்பும் குறைகண்ட என் ஆன்மாவும் அழுத்துக் கொண்டது நிர்வாணமாய்க் கிடந்து நீர்ச்சேலையணிந்த நீலக்கடலே ஆழிநீரிலும் குருதி கொப்பளிக்க திட்டம் போட்டதேனோ? செகத்தவரும் சிறப்பாய் வாழ மீனாகவும் முத்தாகவும் – உம் சொத்துக்களைத் தந்து விட்டு – எம் சொந்தங்களைப் பறித்தாயே! ஆரவாரத்தின் ஆட்சியில் நீயும் ஆடியே தீர்த்த ஊழித் தாண்டவமும் உயிர்களை மேய உடலின் தசைகளும் பங்கு போடப்பட்டன இரத்தத்திலே ஊறி உவர்ப்பிலே உப்பிய உடல்களால் உயர்ந்த பிணங்களின் மேடு கண்ணெட்டும் … Read moreஆறாக் காயங்கள்.

குழந்தைக் கலி

குழந்தைக்கலி தீர்க்க வந்த பால் மணக்கும் குஞ்சரமே தரையில் தவழும் தங்கப்படகாய் தரணி கண்ட சத்தியமே சீராட்டிப் பாராட்டி நானும் நிலாக்காட்டி சோறூட்டி மைதீட்டி முடிக்கையிலே வண்ண முழி முழிச்சிடுவாய் கொஞ்சும் போது நீயும் சிரிக்கையிலே முந்திச் சிந்தும் சாரல் மழை முத்துக்களை உதிர்த்திடுமே பித்தாகி மனம் லயித்திடுமே பத்து வர்ணப் பட்டெடுத்து சித்திரத் தொட்டில் கட்டி தாலாட்டி நீ உறங்க சிந்தையதும் மகிழ்ந்திடுமே நெஞ்சினை நெகிழ்க்கும் முத்தங்கள் தந்தே பிஞ்சு மொழியால் தஞ்சம் கொள்ளச் செய்திடுவாய் … Read moreகுழந்தைக் கலி

பொய்த்திடாது பெய்துவிடு

காரிகையின் கூந்தலெனத் துவளும் கார்முகில் மலைகளிடை பவனிவந்து கருவுற்றுப் பிரசவிக்கும் கார்கால மழையே மஞ்சைகள் மகிழ்வினிலே தோகை விரித்தாட மஞ்சுவெனும் பஞ்சணையில் தஞ்சம் கொண்டிருந்த விந்தை மழையே மேகவீதி வானவில்லால் அலங்கரிக்க குளிர் காற்றில் கூச்சலிடும் குறும்புக்கார மழையே விண்ணை விரைவாய் உலுப்பி உதிர்த்திட மந்திரமாய் வந்திடும் மாரிகால மழையே நாமங்கள் பலசூடி நம்பியுன்னை அழைக்கின்றோம் விண்ணுக்கும் மண்ணுக்கும் நீதானே உறவுப்பாலம் உன் வரவின்றேல் பூமிக்கு வீணே மலட்டுப் பெயர் மண்வாசம் நாசியிலே நடைபயில நம் தேசம் … Read moreபொய்த்திடாது பெய்துவிடு

குறிஞ்சியின் குறியீடுகள்

பனியினில் குளித்து அட்டைகளால் அழுக்காகி இரத்தம் துவைத்து வெயிலில் துடைத்துக் கொள்ளும் விந்தை மனிதர் போதிய வருமானம் போசாக்கான உணவெல்லாம் கனவாகிப் போனதால் மந்த போசணை மாவட்டமாம் நுவரெலியாவில். இலைகளோடு உறவாடி மலைகளில் மண்டியிட்டு கொய்தவற்றால் கூடைநிரப்ப களைகளால் பாதியென்று கங்காணியும் கணக்குத் தீர்ப்பான் வெள்ளையரும் வந்து போக மீளா அடிமை வாழ்வில் அற்ப சலுகைக்காய் ஆயிரம் போராட்டங்கள் நூறு ரூபாய் உயர்த்திடவும் உறுதியில்லா அரசாங்கம் தேய்ந்துபோன ரேகையுடன் இரத்தத்தைச் சாயமாக்கி நாட்டின் பொருளாதாரம் தலைநிமிர முதுகெலும்பாய் … Read moreகுறிஞ்சியின் குறியீடுகள்

கேள்விச் சின்னம்

இருள் மாத்திரம் எஞ்சியிருக்கும் உலகமிதில் எல்லோர் முகமும் கேள்விச் சின்னமாகவே வெறித்துக் கொண்டிருக்கிறது உங்கள் துருவிப் பார்க்கும் கண்களுக்கு ஓய்வளியுங்கள் அப்போதாவது நீதி தேவதையின் கண்கள் திறக்கப்படட்டும் பணத்தினளவு பார்த்தே உரத்துப் பாடும் சட்டம் அதும் முதலாளி என்றதும் வாலைச் சுருட்டி வணக்கம் சொல்லுகிறது தலையிருப்பவர்கள் எல்லாம் சிந்திப்பதால் ஏகாதிபத்திய எகத்தாளச் சிரிப்புகள் சிந்தனைக்கும் வாய்ப்பூட்டு இடுகின்றன காலக்கறையான் இவற்றையெல்லாம் தின்று தீர்க்காதோ? முதலாளித்துவ அமைப்பின் அப்பட்டமான தோல்விகளை அடைத்துவிட்ட காதுகளின் செவிப்பறையில் ஏறுவதற்கு பறையடித்துச் சொல்ல … Read moreகேள்விச் சின்னம்

மணாளனே மீண்டு விடு

காலப் பெட்டகத்தில் காத்திருக்கும் காரிகையின் கனவின் பிரசவங்கள் கானலாகிக் கரைந்திட கங்கணம் கட்டும் நம்பிக்கை மட்டும் வட்டமிடுகிறது இதழ்களில் மௌனம் வடிகட்டிய சிற்பமாய் இவள் மீது நிசப்தம் சுமத்தப்பட காலத்திடம் சாவியைக் கொடுத்து விட்டுக் காத்திருக்கிறேன் நெருக்கங்களால் நாமும் நெகிழ்ந்து போன பௌர்ணமி இரவுகளை எண்ணும் போதெல்லாம் ஊசியாய்த் தைக்கும் வாடைக் காற்றிலே நைந்து போகிறேன் காலம் நமக்கு கணக்கு வைக்க உறவு அதில் பிணக்கு வைக்க இருளைப் பரப்பும் விளக்கோடு விழித்திருக்கிறேன் சிரிக்கும் வளையல்கள் சிதைந்து … Read moreமணாளனே மீண்டு விடு

வெறுமையின் விம்பம்

கண்ணே! என் தாய்மையின் வரைபடம் உருவழிந்து கொண்டிருக்கிறது. காத்திருப்புகள் காற்றாடி வீச, உருவம் காட்டும் மாத உதிரம் எப்போது தான் உன் உருவம் காட்டுமோ? சமூகத்தின் தீட்டுப்பட்ட வார்த்தைகள் தினமும் என்னைத் தீண்டுகின்றன கழிவு நீராக-அவை எலும்புகளையும் நரம்புகளையும் சேதமாக்குகிறது கண்ணே! முலை நுகரப்படாத உயிராய் வாழ்வதாலோ, மலடியெனும் மகுடம் சூடி மகிழ்கின்றனர். காலத்தின் பழுத்த சருகுகள் முதுகில் சுமையேற-என் கனத்த தனங்கள் அழுகிக் கொண்டுடிருக்கிறது புண்ணான என் நெஞ்சில் புழுப்பிடிப்பான நினைவுகள் வடிக்க முடியா வார்த்தைகளாக … Read moreவெறுமையின் விம்பம்

மரித்துப்போன மனிதம்

உருகும் மெழுகாய் உருகி எரியும் மனதின் வலியை உணர்நதிட இங்கு மனிதம் இல்லை கறைபடிந்த பிறப்புக்களும் கனிவில்லாக் கயவர்களும் மந்திகளாய் உருவெடுக்க மருந்தாக முகர்ந்திடவும் மனிதம் இங்கில்லை அறிவுச் சாலைகளும் ஆயுதக் கிடங்குகளாக கூலிப்படைகளாய் நாளும் கூட்டமாய் மடிகின்றனர் பொய்மைதனை வாய்மையாக்கி வதந்திகளுக்கு உயிர்ப்பளித்து சாதியும் பணமுமென்ற சாக்கடையில் சகதிகளாய் குணம்மாறி இனம் மறந்து புன்மைகளைப் புவனத்தில் அழுத்தி நன்மைகளை நலிவடையச் செய்யும் நெஞ்சற்றவர் ஆகின்றனர் ஊனக்குணம் படைத்து பணத்தில் குறிவைக்கும் பச்சோந்திகளுக்கு குணத்தின் குறிக்கோள்கள் தெரிந்திடுமா? … Read moreமரித்துப்போன மனிதம்

நாகரிகத் தொட்டில்

இருபதைத் தொட்ட இளசுகளும் அறுபதைத் தொட்ட பழசுகளும் இங்கிதமே இல்லாமல் இயல்களைத் தொலைத்த இழிவுச் செயலை இயம்பிட்டால் இனித்திடுமா? முகம் புதைத்து முகமூடியணிந்து முகப் புத்தகத்தில் முழுநாளும் மூழ்கிக் கிடத்தல் முத்துக் குளிக்கும் செயலாகிடுமா? நாகரிகத் தொட்டிலில் ஊஞ்சலாடும் தொழிநுட்பத்தில் நித்திரை தொலைத்து நட்டநடுத் தெருவிலும் நாறிக் கிடக்கும் நம்மவர் சமுதாயம் நாளும் திரையினிலே மூழ்குதல் தகுமோ? நிலாக்கவி நதீரா முபீன் புளிச்சாக்குளம் யாழ்ப்பாணப் பல்கலைக்கழகம் வௌியீடு: வியூகம் வெளியீட்டு மையம்

எங்கே குடியரசு?

எத்திசை ஏகினும் சத்தியமின்றி வாழும் சித்திரவதைக் கூட்டத்தின் எச்சம்   மனதின் இச்சைக்கு இணங்கி பாவத்தினை துச்சமாய் நினைத்து வேசம் போட்டு நாசம் செய்யும் மோசக்காரக் கூட்டம்   வன்முறை வார்த்தைகளால் வசைகளைப் பொலிந்தே காட்டிக் கொடுத்தும் கூட்டிக் கொடுத்தும் குளிர் காயும் கொடுமைக்காரக் கூட்டம்   இரத்தம் உறிஞ்சும் அட்டைப் பூச்சிகளாய் மனிதக் குரல்வளை நசித்து குருதி உறிஞ்சும் பாதகர் கூட்டம்   குடியரசைத் தேடுகிறேன் புகழ் எனில் பல்லிளிக்கும் புத்திகெட்ட மாந்தரினால் அராஜக ஆட்சியினில் … Read moreஎங்கே குடியரசு?

சூழ்ந்திடும் ஏழ்மை

சூழ்ந்துவரும் ஏழ்மையில் எள்ளையும் ஏழாகப் பிரித்து உண்டு பாதி வயிற்றோடு படுத்துறங்கும் பிஞ்சுகள் ஒருசான் வயிற்றை உலுப்பும் பசியில் மூன்று வேளையை ஒரு வேளையாக்கி சிக்கனத்தை சேமித்திடும் சிறு வாழ்வு தான் பொல்லாத கைகளும் பொறுப்புக்களை ஏற்றதால் பட்டுத் துணியிலும் பஞ்சணை மெத்தையிலும் உல்லாச மாளிகையில் உலுத்தர் கூட்டம் பட்டினியில் பலவுயிரும் பாரினிலே பரிதவிக்க பெட்டியிலே பலகோடி பொத்தி வைப்பதில் பயன் உண்டோ? காசுக் கடதாசிகள் கைசேரா கைவிரல்களும் விஷமான விலைவாசியில் கருகிடும் கனவுகளோடு கரைந்திடும் கழிக்கப்பட்டவர் … Read moreசூழ்ந்திடும் ஏழ்மை

Select your currency
LKR Sri Lankan rupee