அபலையின் உள்ளம்

Deprecated: Creation of dynamic property InsertPostAds::$settings is deprecated in /home/youthcey/public_html/wp-content/plugins/insert-post-ads/insert-post-ads.php on line 425

பிறப்பு முதல்
இறப்பு வரை
வேலிக்குள்ளேயே
வெதும்புகின்ற
அபலை உள்ளங்கள்
பல

வேலி தாண்டி
வெளியேற வழி
தேடும் அந்த
அபலை உள்ளங்களில்
ஒன்று இது

ஏவல்கள் இல்லாத
அடக்குமுறைகள் இல்லாத
அதிகாரம் இல்லாத
வரையறைகள் இல்லாத
குற்றம் காணாத
குறை பிடிக்காத
புதிய உலகு வேண்டும்
அங்கே நான் மட்டுமே
இருக்க வேண்டும்
எனக்கான
சுதந்திரக் காற்றை
சுவாசித்துக் கொண்டு

காற்றில் கூட
அங்கே கலப்படம்
இருக்க கூடாது

பாரம்பரியம்
பண்பாடு
பழக்க வழக்கம்
என இவளை
சுற்றி கட்டப்பட்ட
முள் வேலிகள் பல
அதை எல்லாம்
தாண்டி தன்
உணர்வுகளை
உலகுக்கு உணர்த்த
இவளுக்கு இல்லை
இடைவெளி

சூழ்நிலைக்கும்
சந்தர்ப்பத்துக்கும்
தன்னை சுற்றி
உள்ளவர்களுக்காகவும்
பல பாத்திரங்கள்
ஏற்று தனக்கான
அடையாளத்தை
இழக்கிறாள் இவள்

அபலை இவள்
பேசினால் குற்றம்
பார்த்தால் குற்றம்
சிரித்தால் குற்றம்
அடம்பிடித்தால் குற்றம்
அலங்கரித்தால் குற்றம்
மெளனித்தால் குற்றம் என
குற்றம் சாட்டப்படாத
குணங்களே இல்லை
இவளிடம்

ஆட்டக்காரி
அடங்காபிடரி
வாயாடி
சிங்காரி
மாயக்காரி
பிடிவாதகாரி
சண்டைக்காரி
என உணர்வுகளை
வதைக்கும் பெயர்கள்
இவளுக்கு முத்திரை
இடப்பட்டவை

பிடித்தவைகளை
செய்ய முடியாமல்
பிடிக்காதவைகளை விட்டு
விலக முடியாமல்
அடுத்தவர்களுக்காகவே
இவள் அத்தனை
நிமிடங்களையும்
விட்டுக் கொடுக்கிறாள்
எல்லாவற்றையும் விட்டு
விலகி நிற்கிறாள்

எல்லோரையும் புரிந்து
கொண்டால் இவள்
இவளைப் புரிந்து
கொள்ள எவரும் இல்லை
எல்லாவற்றையும் விட்டு
கொடுத்தால் இவள்
இவளுக்காக
விட்டுக் கொடுக்க
எவரும் இல்லை
அத்தனையும்
அர்ப்பணித்தால் இவள்
இவளுக்காக அர்ப்பணிக்க
எவரும் இல்லை
எதுவும் இல்லை

இவளின்
சுய சிந்தனைகளையும்
சொந்த முடிவுகளையும்
புறந்தள்ளி
சுற்றத்தாரின்
முடிவுகளை தன்
வாழ்வாக காெள்கிறாள்

இவை எல்லாவற்றையும்
விட்டு இவள்
வெளியேற எத்தனிக்கிறாள்
அவளுக்கான உலகில்
அவள் ஆசைகளும்
அவள் விருப்பங்களும்
மாத்திரமே கொண்ட
நிம்மதியும்
சந்தோஷமும் மட்டுமே
சுற்றி இருக்க
சுதந்திர காற்றை
சுவாசிக்க விரும்பும்
அபலையின் உள்ளம் இது

இது எல்லாம்
மாற வேண்டும்
இதை எல்லாம்
மாற்ற வேண்டும்

இவள் மாறுவாள்
எல்லாவற்றையும் மாற்றுவாள்
அப்போது தேடும்
இவளை எல்லாமே
ஆனால் இவள்
தனக்கு மட்டுமே
சொந்தமான சுதந்திரமான
உலகில் உலாவிக்
கொண்டிருப்பாள்
உள்ளத்தில் நிரம்பிய
உற்சாக துள்ளலோடு!

Rushdha Faris
South Eastern University of Sri Lanka.

பிறப்பு முதல் இறப்பு வரை வேலிக்குள்ளேயே வெதும்புகின்ற அபலை உள்ளங்கள் பல வேலி தாண்டி வெளியேற வழி தேடும் அந்த அபலை உள்ளங்களில் ஒன்று இது ஏவல்கள் இல்லாத அடக்குமுறைகள் இல்லாத அதிகாரம் இல்லாத…

பிறப்பு முதல் இறப்பு வரை வேலிக்குள்ளேயே வெதும்புகின்ற அபலை உள்ளங்கள் பல வேலி தாண்டி வெளியேற வழி தேடும் அந்த அபலை உள்ளங்களில் ஒன்று இது ஏவல்கள் இல்லாத அடக்குமுறைகள் இல்லாத அதிகாரம் இல்லாத…