நவயுகத்தில் பெண்ணியம்

Deprecated: Creation of dynamic property InsertPostAds::$settings is deprecated in /home/youthcey/public_html/wp-content/plugins/insert-post-ads/insert-post-ads.php on line 425

கம்ப்யூட்டர் கல்லாக்கிப் போட்டதே
நம் பெண்களை
நவீன கலாச்சாரம்
நாசமாக்கிப் போட்டதே
நம் பெண்களை

வீணான விளையாட்டுக்களையும்
வேடிக்கைகளையும் பார்வையிட்ட
பெண்களை கொஞ்சம்
புதுமைப் பெண்ணாய்
மாறச் சொன்னார் நம் பாரதி

வேடிக்கை பார்த்தவள் வீரம் கொண்டாள்
வீணான விளையாட்டில் இருந்தவள்
வியப்படைந்தால் கல்வி கற்றாள்
விண்வெளி தேசம்
இன்று சென்று விட்டாள்

அடுப்பங்கரை மிதித்தே வளர்ந்தவள்
புகை மண்டலங்கள் பல தாண்டி
புகழ் மண்டலங்களான
பல்கலைக்கழகங்கள் பல சென்றாள்

சமையல்காரி என்னும் பெயர் வாங்கியவள்
சாதனைக்காரி என்று பெயர் பெற்றாள்
பின்புத்தி கொண்டவள்
பெண் என பெயர் கொண்டிருந்தவள்
பாராளுமன்ற சட்டம் இயற்றினாள்

வெட்கத்தில் தலை குணிந்தே நடந்தவள்
கொஞ்சம் கொஞ்சமாக
தலை நிமிரத் தொடங்கி விட்டாள்

விளம்பரத்திற்காகவும் விற்பனைக்காகவும்
பயன்படுத்தப்பட்ட பெண்
விளிப்புணர்வுக்காக பயன்படுத்தப்படுகிறாள்

அடிமைகளாகவும்
கைபொம்மைகளாகவும் இருந்த பெண்
அடிமையாகிறாள் கல்விக்கு மட்டும்

பாலியல் வண்புணர்வாலும்
பல துஷ்பிரயோகங்களாலும்
வீதி செல்லாது வீடு நுழைந்த பெண்
வீர் கொண்டு வீதி செல்கிறாள்
விலை மதிப்பை அளவிட முடியாத
கல்வியை பெறுகிறார்

சமத்துவமே கிடையாது என
ஆணடிமைத்துவ சாக்கடைக் கிடங்குகள்
பல வற்றுக்குள் தள்ளப்பட்ட பெண்
பெண் சமத்துவம்
தனை போராடிப் பெறுகிறாள்

சுதந்திரம் தனை ஆண்கள் எனும்
காலணித்துவ நாட்டிற்கு
அடிமைப்பட்டு தொலைத்த பெண்
பெண் விடுதலை பெற வேண்டும் என பேரணியைதிரட்டுகிறாள்

இப்படியாக எல்லாவற்றையும்
அடைவுகளைக் கண்ட
பாரதியின் புதுமைப் பெண்ணே
நீ ஏனடி உன் ஆடைக் கலாச்சாரத்தில்
அந்நிய கலாச்சாரத்திற்கு அடிமையாகி
உனக்கு நீயே ஆபத்தை
முடிசூட்டிக் கொள்கிறாய்?

வெட்கத்தில் சின்னமென
ஒரு காலத்தில் திகழ்ந்த நீ
ஏனோ இன்று அதில் ஏற்றங்களையும்
இறக்கங்களையும் காணுகிறாய்??

பொறுமைக்கும் தாய்மைக்கும்
முதலிடத்தைப் பெற்ற நீயோ
இன்று ஏனோ அதிகம்
ஆவேசம் கொள்கிறாய்
இன்று ஏனோ அதிக குடும்பக்
கட்டுப்பாடு தனை செய்கிறாய்

கம்ப்யூட்டர் யுகம் தான் உன்னை
நவயுகத்தில் ஒரு அறை குறை
புதுமைப் பெண்ணாய் மாற்றியதோ

பாரதி சொன்ன புதுமைப் பெண்ணும்
நான் சொன்ன புதுமைப் பெண்ணும்
நீயல்லவே

நீ நீயாகவே இரு உன் குணங்களிலும்
நடத்தைகளிலும் மாற்றங்களையும்
பெயர்களையும் தீயவைகளாய்
அடைந்து கொள்ளாதே
நீ உன் இலட்சியத்துக்கான
சகல அடைவுகளையும் அடைந்து கொள்
நீ உனக்கான பாதையில் முன்னேறிச் செல்
நவயுகப் பெண்மணியே

Fathima Badhusha Hussain Deen
South Eastern University of Sri Lanka

கம்ப்யூட்டர் கல்லாக்கிப் போட்டதே நம் பெண்களை நவீன கலாச்சாரம் நாசமாக்கிப் போட்டதே நம் பெண்களை வீணான விளையாட்டுக்களையும் வேடிக்கைகளையும் பார்வையிட்ட பெண்களை கொஞ்சம் புதுமைப் பெண்ணாய் மாறச் சொன்னார் நம் பாரதி வேடிக்கை பார்த்தவள்…

கம்ப்யூட்டர் கல்லாக்கிப் போட்டதே நம் பெண்களை நவீன கலாச்சாரம் நாசமாக்கிப் போட்டதே நம் பெண்களை வீணான விளையாட்டுக்களையும் வேடிக்கைகளையும் பார்வையிட்ட பெண்களை கொஞ்சம் புதுமைப் பெண்ணாய் மாறச் சொன்னார் நம் பாரதி வேடிக்கை பார்த்தவள்…