சிடுசிடுவென சிணுங்குபவள்
- by admin
- 10
Deprecated: Creation of dynamic property InsertPostAds::$settings is deprecated in /home/youthcey/public_html/wp-content/plugins/insert-post-ads/insert-post-ads.php on line 425
அவள் அப்படி இல்லை தான்
ஆனாலும் அவளை அப்படியே
மாற்றி விட்டது உலகம்
குழந்தையும் தோற்று விடும்
அவளது அளவில்லா குறும்புகளுக்கு
ஆனால் இன்று குறும்புகளே
அடைக்கலம் தேடுகிறது அவளிடம்
அவளோ கதவடைத்து விட்டாள்
நொடிக்கொரு முறை புன்னகை
பூத்தது அவள் இதழ்
இன்று இதழ் விரிக்க
தயங்கும் அவள் முகம்
சட்டென்று சிடுசிடுத்து விடுகிறாள்
பட்டென்று பதில் தருகிறாள்
ஆச்சரியம் தான்
என்றாலும் அது தான் உண்மை
அவள் கோபத்துக்கு பின்னால்
எத்தனையோ துரோகங்கள் மறைந்திருக்கிறது
அவள் ஒற்றை பார்வைக்குள்
அணைக்க முடியாத தீ
சுவாலையிட்டு எரிந்து கொண்டிருக்கிறது
அவள் வார்த்தைகளில்
அறிய முடியாத அர்த்தங்களை
அவளது மௌனம் உணர்த்தி விடுகிறது
அவள் மனதுக்குள் உள்ள அவமானங்கள்
தன்மானத்தை தலைதூக்கி விட்டது
அவள் சிடுசிடுக்கிறாள்
அது உனக்கான எச்சரிக்கை மணி ஓசை
பூக்களுக்கு கிடைக்காத மதிப்பு
முட்களுக்கு கிடைக்கிறது
மென்மையான பூ இதழ்களை
இலகுவில் சிதைத்து விடலாம்
நீ காயப்படுத்தினாலும் அவை
உன்னை காயப்படுத்தாது
ஆனால் முட்களை நீ இலகுவில்
சிதைத்து விட முடியாது
சிதைத்தால் உன் விரல்கள்
காயப்படக்கூடும்
பூக்களை கண்டு முட்களை
எடை போடாதே
பூ முள்ளானால் தரும் வலி
விசித்திரமானதாக இருக்கும்
எல்லை தாண்டி விளையாடி விடாதே
அளவுக்கு மிஞ்சினால் அமிர்தமும் நஞ்சு தான்
Noor Shahidha
SEUSL
Badulla
அவள் அப்படி இல்லை தான் ஆனாலும் அவளை அப்படியே மாற்றி விட்டது உலகம் குழந்தையும் தோற்று விடும் அவளது அளவில்லா குறும்புகளுக்கு ஆனால் இன்று குறும்புகளே அடைக்கலம் தேடுகிறது அவளிடம் அவளோ கதவடைத்து விட்டாள்…
அவள் அப்படி இல்லை தான் ஆனாலும் அவளை அப்படியே மாற்றி விட்டது உலகம் குழந்தையும் தோற்று விடும் அவளது அளவில்லா குறும்புகளுக்கு ஆனால் இன்று குறும்புகளே அடைக்கலம் தேடுகிறது அவளிடம் அவளோ கதவடைத்து விட்டாள்…